December 2019

支持我們

我們現在努力於第一本書的寫作,當中內容包括:

一半是我們在詩歌上的創作;
一半會是談及禮儀與當代崇拜踐行的關係,及一系列的禮儀範例。

另外也會嘗試把其中一些詩歌製作成Music Track或MV。

希望大家支持,為我們代禱,可以順利完成。

可以的話,也呼籲大家以奉獻支持,作為這個Project的經費。但由於我們不是NGO(非謀利機構),故抱歉未能提供奉獻收據。

奉獻方法:

戶口號碼:012-565-1-022207-1 Aki Production(中銀)
請把收據Email至 [email protected] 或WhatsApp:92382410

主佑

Alan Ip

事工回顧

當講到禮儀詩歌,好多人就會諗到唔啱音、難唱等等嘅嘢,基於歷史因素、語言上嘅限制,的確係會令人有呢類嘅感覺。

呢幾年,用咗好多時間,去寫粵語禮儀詩,用近代嘅旋律,加上禮儀詩嘅歌詞,寫咗一系列嘅禮儀詩。若對禮儀詩歌認識嘅話,就明白呢個係一個非常困難嘅工作,因為禮儀詩歌詞基本上咩都係唔變得,唔郁得,每字每行都要跟住一定嘅規則去寫,基本上係梗局,加埋處理廣東話本身係發音上嘅限制,係難上加難。

其實我哋已經寫咗差不多百多首粵語禮儀詩,包括Mass Music:兩首榮耀頌,兩首聖哉頌,八首憐憫頌,七首羔羊頌同埋信經。另外有亞倫的祝福同埋主禱文,都有祈禱和聖餐禮嘅詩歌,再加上共一百零四首答唱詩篇(已涵蓋一百五十篇詩篇),即係好似啟應詩篇咁,不過就用唱嘅方法去啟應,全部係廣東話歌詞。

跟住嘅時間,除咗繼續做唔同嘅音樂製作,同埋去唔同教會做培訓工作之餘,希望可以寫多大約十至二十首以禮儀內容為主嘅詩歌,然後希望可以出一本書,既係詩集,亦會談及禮儀同當代敬拜嘅關係,仲會加入一啲禮儀範例,即係大家講嘅崇拜流程。而書嘅內容,亦都寫咗一半有多,寫下又睇下其他書,越寫,越睇,越發現更多。

希望好快能夠完成呢本書,可以面世。

主佑。

Alan Ip