事工回顧
12/12/19 20:11
當講到禮儀詩歌，好多人就會諗到唔啱音、難唱等等嘅嘢，基於歷史因素、語言上嘅限制，的確係會令人有呢類嘅感覺。
呢幾年，用咗好多時間，去寫粵語禮儀詩，用近代嘅旋律，加上禮儀詩嘅歌詞，寫咗一系列嘅禮儀詩。若對禮儀詩歌認識嘅話，就明白呢個係一個非常困難嘅工作，因為禮儀詩歌詞基本上咩都係唔變得，唔郁得，每字每行都要跟住一定嘅規則去寫，基本上係梗局，加埋處理廣東話本身係發音上嘅限制，係難上加難。
其實我哋已經寫咗差不多百多首粵語禮儀詩，包括Mass Music：兩首榮耀頌，兩首聖哉頌，八首憐憫頌，七首羔羊頌同埋信經。另外有亞倫的祝福同埋主禱文，都有祈禱和聖餐禮嘅詩歌，再加上共一百零四首答唱詩篇（已涵蓋一百五十篇詩篇），即係好似啟應詩篇咁，不過就用唱嘅方法去啟應，全部係廣東話歌詞。
跟住嘅時間，除咗繼續做唔同嘅音樂製作，同埋去唔同教會做培訓工作之餘，希望可以寫多大約十至二十首以禮儀內容為主嘅詩歌，然後希望可以出一本書，既係詩集，亦會談及禮儀同當代敬拜嘅關係，仲會加入一啲禮儀範例，即係大家講嘅崇拜流程。而書嘅內容，亦都寫咗一半有多，寫下又睇下其他書，越寫，越睇，越發現更多。
希望好快能夠完成呢本書，可以面世。
主佑。
Alan Ip
呢幾年，用咗好多時間，去寫粵語禮儀詩，用近代嘅旋律，加上禮儀詩嘅歌詞，寫咗一系列嘅禮儀詩。若對禮儀詩歌認識嘅話，就明白呢個係一個非常困難嘅工作，因為禮儀詩歌詞基本上咩都係唔變得，唔郁得，每字每行都要跟住一定嘅規則去寫，基本上係梗局，加埋處理廣東話本身係發音上嘅限制，係難上加難。
其實我哋已經寫咗差不多百多首粵語禮儀詩，包括Mass Music：兩首榮耀頌，兩首聖哉頌，八首憐憫頌，七首羔羊頌同埋信經。另外有亞倫的祝福同埋主禱文，都有祈禱和聖餐禮嘅詩歌，再加上共一百零四首答唱詩篇（已涵蓋一百五十篇詩篇），即係好似啟應詩篇咁，不過就用唱嘅方法去啟應，全部係廣東話歌詞。
跟住嘅時間，除咗繼續做唔同嘅音樂製作，同埋去唔同教會做培訓工作之餘，希望可以寫多大約十至二十首以禮儀內容為主嘅詩歌，然後希望可以出一本書，既係詩集，亦會談及禮儀同當代敬拜嘅關係，仲會加入一啲禮儀範例，即係大家講嘅崇拜流程。而書嘅內容，亦都寫咗一半有多，寫下又睇下其他書，越寫，越睇，越發現更多。
希望好快能夠完成呢本書，可以面世。
主佑。
Alan Ip